සිතුවිල්ල..

'හෙලෝ...මේ කුසුමිද?' නොදන්නා අංක කිහිපයකින් කුසුමිට පැමිණි ඇමතුමෙන් ඇගේ සිත සලිත වුවාය.එම ඇමතුම ඇගේ පරණ පෙම්වතා සිහි ගැන්වීම නිසාමදෝ කුසුමිට නොදැනිම ඇගේ දෙනෙත කඳුළින් බර විය.  'දුව තේ බොන්න එන්න'  මවගේ කෑගැසීමෙන් පියවි සිහියට පැමිණි කුසුමි දුරකථනය පසෙකට දමා කාමරයෙන් ඉවතට ගියාය. කාර්යාලයේ  වැඩ කිරීම නිසා ඇඟට දැනුන  විඩාවත්, ගිලිහුණු ප්‍රේමයේ මතකයෙන් බර වුණු හදවතක් නිසා කුසුමිට ලෝකයේ සියලු දුක් කරදර තමා වටා කැරකෙන බව සිතිණි. දුප්පත් තම මැණිය වෙනුවෙන් ජීවත් වෙනු විනා කුසුමිට ජීවත් වීමටවත් ආසාවක් නොමැති තරම්ය. වයස අවුරුදු  24 වූ ඇයට කුඩා කළ සිට ජීවිතයේ විදීමය වු දුක් අපමණය. දුරකථනය නැවත වරක් නාද විය..... 'ඉක්මනට ෆොන් එක කට් කරේ ඇයි?  'මම සඳුන්' 'කොහොමද මාව දන්නේ' 'මම නංගිගේ පින්තූර වගයක් දැක්කා ෆෙස් බුක් එකෙන්.. නංගි හරි ලස්සනයි' නොදැනිම කුසුමිගේ සිත නන්නාදුනන සිතකට බැඳී ගියේ අගුළු දමා තිබු තම සිතේ යදම් බිඳ දැමීමට පැමිණි ගැලවුම්කරුවෙකු ලෙසය. එතැන් පටන් ඇගේ සිත ඔහු වෙත බැඳී ගියේ තනිකමෙන් අඳුරු වී තිබු කුසුමිගේ සිතට ආදර වදන් වලින් ආලෝකමත් කිරීමට ඔහ...

  සොඳුරු රාත්‍රියට  සිහින කැන්දන සඳසාවී  වට කරන් තරු පොකුරු තනිවෙලා හැම රෑම හිමි නොවන බව දැනත් පෙම් බැන්දේ හිරුටමය නිසසල වූ  රාත්‍රියේ  සැලෙන හදවත ඇගෙය සඳට පෙම් බඳින අහසට පෙම් බැන්දේ තරුය අමාවක දා අහසේ  තනි රැක්කේ තරු නොවෙද? මනරම් වූ කවි පදයේ නොගැළපෙන පද විලස සොඳුරු වූ අහස තුළ  නොගැළපෙන පෙම්  නොවෙද?

 අහිමි වු  අහස්කුස් මව් තුරුලේ නැළවෙන්න.. හීනියට වැදි හමන සුළං රැලි විඳ ගන්න.. අහිමි වු තටුවකට යළි පණක් ගෙන එන්න... වරම් ඇති දෙවියෙක් නැතිවාද  සක්වලට...

 ඉරි වැටුණ කරපටිය රැළි වැටුණ සුදු ගවුම නොබලාම පෙර සේම ගුලි වෙලා මුල්ලකට   නිමාවු පරිච්ඡේදය ගෙවා දැමූ අතීතය සිහි කරා නම් මොහොතකට මැවී පෙනුනා මව්නි ඔබේ සේයා රුව   වසර 13 ක මතකය අරක් ගෙන හද කෙළවරක ගුළු දැමු පොත් ටිකට තිත තැබු පාසලට එක් කෙරූ මතකයම ගත හැකිද පෑන් තුඩකට   ඩෙස් පුටුත් එතනමය පාසලත් පෙර සේය                                    පෙම් කලත් හැමදාම වරම් නෑ මොහොතකට අවසරද , යළි එන්න පාසලට  මොහොතකට..

  දෑගිලි බැදගෙන දින සති ගෙව් හැටි  සරසවි සිහිනයේ දොරටු සොයන්නට පියමන් කර දොර විවර කරන්නට හැදු මොහොතෙම ඔබ යතුර ගිලපු හැටි හරි පුදුමයි කොරෝනා ...   සිහින සරසවියේ පළමු පොත පෙරළන්න මතක එකතු කර සොදුරු පිටු සරසන්න මෙලෙසකද මඟ සෙව්වේ ඔන්ලයින් දේශනයේ කොටුවෙච්ච තිරයකදි   කඩයිමත් පසු කරන් සිහින පොදි කැටි කරන්                                   ලබපු ජය වරදක්ද කියනු මැන කොරෝනා....